La reguloj estas iom ŝanĝitaj kontraŭ tiuj de antaŭ 5 jaroj. Sed post diskutoj (vidu malnovajn mesaĝojn en tiu ĉi grupo kaj ILERA-bultenojn) mi ŝanĝis la regulojn pri uzo de echolink (jam antaŭ 3 jaroj) kaj pri uzo de lingvoj.

---

Celoj de la konkurso :

• al aliaj amatoroj: demonstri, ke nia lingvo vivas kaj bone funkcias ;
• interne: plibonigo de niaj interrilatoj.

Dato, tempo :

2008-11-15 0000 ĝis 2400 UT.
2008-11-16 0000 ĝis 2400 UT.
(ĉiujare la tria sabato de novembro + sekvanta dimanĉo).

Stacioj kontaktindaj :

ĉiuj.

Bendoj :

ĉiuj, kie konkurso estas permesata.
Do NE je 10, 18, 24 MHz.
echolink estu uzata kiel aldona bendo ([1] vidu rimarkojn).

Frekvencoj rekomenditaj :

niaj ILERA-frekvencoj: ± 30 kHz
3.766, 7.066, 14.266, 21.266, 28.766 MHz, ktp.

Modulado :

ĉiuj.

Raportoj :

RS + sinsekva numero, 59001, 59002, ktp.
Raportoj [2] estu prefere en Esperanto,
Sed aliaj lingvoj akceptataj.

Poentoj :

por ĉiu stacio unu poento,
sur ĉiu bendo denove.
Ne estas multobligiloj.

Paŭzoj :

minimume 20 « plenaj » horoj.
(plenaj = neniu kontakto inter minutoj 00 ĝis 59)

sendu...

kopion de via taglibro ĝis decembro 15-a al :
Hans Welling, zum Ortenbrink 42
DE-49205 Hasbergen
Per fakso al +49 5405 699-31
Per reto al dj4pg ĉe t-online.de
p.r. nun ne funkcias ĉe mi.

---

PETO :

helpu min, bv. kalkulu mem kaj indiku nombron de poentoj, stacioj, landoj, bendoj, paŭzoj.

---

Rimarkoj :

1) Ni diskutis en Jokohama, Roterdam kaj en tiu ĉi grupo.

- echolink donu aldonajn eblecojn al ĉiuj, kiuj ne posedas 
  bonan licencon, stacion, antenon, lokon.
- ĝi estu uzata por aranĝi pliajn kontaktojn je mallongaj ondoj.
- leĝa situacio:
  reguloj de IARU kaj landaj kluboj ĝis nun nek speciale permesas, 
  nek malpermesas. Ni atendu, ĉu kaj kion iu asocio fiksos.
  Ni ne uzas iun frekvencon, sur kiu oni povas ĝeni.
- Francio: informoj estas neklaraj. Mi denove petas: sendu precizan 
  tekston de la leĝo. Ĝis nun multaj F-amatoroj praktikas echolink.
- Ni nepre ne ĝenu ion. Do ne uzu staciojn -R.

2) la raportojn donu en unu sinsekvo sen interrompo:
   « via raporto estas kvin naŭ nulo nulo unu ».

   Pri raportoj vi rajtas forte helpi. 
   Donu vian raporton ambaŭ en E-o kaj nacia lingvo.

3) povas konfuzi, se vi diras VIA raporto kaj MIA.
   Donita raporto ja ĉiam memkompreneble estas la raporto por 
   la alia stacio.

4) Se NE klara, demandu simple :
   « bonvolu ripeti (mian) raporton »,
   se klara, simple konfirmu : bone ! 

5) por eviti konfuzon inter 6 kaj 7,
   uzu « sesa » kaj « sepen ». Eĉ la NPIV nun
   agnoskis nian inventon « sepen » por klareco.

6) moduladoj: kial ne uzi PSK31, SSTV, WCONVERS,
   memkompreneble morso !

7) Uzu la eblecojn por pligrandigi viajn ŝancojn :
   aranĝu skedojn en mallongaj ondoj per : 
   dxcluster, echolink, skajpo, ktp.

8) Antaŭjaraj rezultoj klare montras, ke la kondiĉoj ege ŝanĝas dum
   la tago. Stacio, kiu dum horoj ne aperis, subite aperis forte, kaj ĝia
   raporto 58049 montris, ke ĝi ĉeestis jam longe, aktive.

Do restu en la konkurso laŭeble longe, resp. revenu.
Aŭskulti nur kelkajn dek minutojn ne sufiĉas !

Ekster la poentoĉasado: uzu la okazon por babili !!!
Legu miajn rimarkojn en la ILERA-bultenoj !

Ĝis en la konkurso !
Hans

Fonto : ret-mesaĝo transdonita de Stephane <F8CFE>
From: Hans Welling <DJ4PG ĉe t-online.de>
Date: Sat, 13 Sep 2008 16:07:20 -0000
Subject: [esperanto_amatoroj] Esperanto-konkurso 2008

2008-10-12